خليني ساكتة

خليني ساكتة (٢٨) لأن وقاحة اللي سمّوكن وصلت لدرجة غير مسبوقة... خلص المزح: لا ثقة!

تم النشر في 10 فبراير 2020


انا شخصيا عندي بالقليلة ١٠٠ سبب وسبب ليه لا ثقة لانكم بحاجة لانعقاد المجلس الأعلى للدفاع لتقدروا توصلوا على مجلس النواب لا ثقة لان المجلس اللي المفروض يكون مجلس الشعب محصن ومسيج بالباطون بوج الشعب اللي عم يتظاهر لا ثقة لان حرس المجلس اللي عم تجتمعوا فيه بمارسوا اقصى درجات قمع المتظاهرين وما حدا بيتحاسب لا ثقة لان الجيش الوطني صار مهمته حماية النواب ليخلصوا ارغيلتهم لا ثقة لان اللي سموكم هني عالم نحن ما منوثق فيهم لا ثقة لان اللي فرضوكم علينا هني عالم ما منوثق فيهم لا ثقةلان اللي بدهم يمنحوكم الثقة هني عالم فارضين حالهم علينا لا ثقةلان العالم اللي بدهم يمنحوكم الثقة هني عالم ما بمثلونا لا ثقة لان العالم اللي بدهم يمنحوكم الثقة غرقوا البلد بـ ٨٦ مليار دولار دين لا ثقة لانكم تبنيتوا موازنة العالم اللي وصلونا عالانهيار لا ثقة لانكم واثقين بالطبقة السياسية الحالية لا ثقة لانكم رح تشرعوا للمصارف سرقتنا لا ثقة لان بيانكم الوزاري اجترار لكل السنوات اللي قطعت لا ثقة لانكم محكومين ومدينيين للي عينوكم لا ثقة لانكم في بينكم مستشارين لزعماء السلطة لا ثقة لان من بين اللي بدهم يعطوكم الثقة نواب بتسكر مناطق على لبنانيين آخرين لا ثقة لان اللي عينوكم ارباب التوظيفات المشبوهة والشهادات المزورة والمشاريع الفاشلة لا ثقة لان ما منأمن لكم على صحتنا لا ثقة

نحن منعرف انهم رح يعطوكم الثقة، بس ما بعرف انم شو بدكم بهيك ثقة؟ تدابير امنية وخوف من الشعب اللي جايين تحكموه، شو شعوركم تحديدا بإنه الشارع ما بده اياكم؟ لتكونوا مصدقين اللي جابوكم، وجمهورهم اللي ما عم اقدر افهم شو مسكتوهيمكن ما بيغسلوا او ما بياكلوا او ما بعبوا بنزينيمكن بتجي عندهم الكهربا والمي يمكن الغلا ما قطع من صوبهم ومستقبل اولادهم مأمن 

بس جلسة ثقة بكرا وبعد بكرا؟بلا مزح عن جد بلا مزح لان خلص المزح... وشو بدي قل لكم يعني الله يرزق كل حزب بلبنان واحد متل زياد اسود حتى نضمن اي حزب بعده مأمل بشعبية بالانتخابات يفقدها معه حق زياد اسود خلص المزح بس لغير اسباب مش الاسباب اللي عددها هوخلص المزح من زمان من وقت حكمتوا وافحمتونا بأدائكم القوي من وقت اللي صرتوا نواب ومن بعدها وزراء ويوم اللي نزل الغضب علينا دفعة وحدة وشكلتوا العهد القوي اقوى من هيك ما بقى يصير من يوم اللي صارت درجات الاستزلام والاستقواء عالناس ما شهدنا متلها من زمان خلص المزح مش من هلق خلص من زمان من يوم اللي وصل خط الفقر 1.5 مليون، فيما 2.5 مليون لبناني فقط يعيشون فوق خط الفقروأكتر من ٢٨ في المئة من سكان لبنان يعيشون بأقل من 4 دولارات يومياً

ان شاء الله موت اذا عم كذب بس العونيين فظيعين نوابا  ووزراء وجماهير...العونيين بيتفوقوا على حالهم بأي عصر بأي بلد بأي كوكب عايشين ما حدا بيعرف العالم كلها بتسمع وبتفهم شي وهني بيفهموا شي تاني 

على كل حال درجة الوقاحة وال denial وصلت لمرحلة تفوق الخيال بتتذكروا بس قلنا وزير الهيلا هيلا هو بده يجرفنا مبارح اجاه الرد ولو بعد حين 

 خليني ساكتة