علقان بالنص! خود نفس مع لارا (٥)

خود نفس مع لارا

تم النشر في 4 يونيو 2020

بحلقة اليوم من 180 درجة.. "علقان بالنص"

مرحبا انا لارا طوق سليمان 180 ثانية.. بلشنا 

شي مرة حسيت شعور اللي علقان بالنص، هيك بنص الطريق، مافيك ترجع لورا بس بنفس الوقت ما معك حيل تقرِّب لقدام، في نص مطرح بتحس حالك كأنو انت نَص، وكأنو الطريق بتخبِّش، يمكن من الزعل بتخبِّش، يمكن من الخيبة بتخبِّس، يمكن من الـ100 سؤال يلي بتسألن لحالك وما بتلاقيلن إجابة.. بتخبِّش، في مطرح بالنص بتضيِّع كل شي كنت مأكد منو، وبتتمنى لو للحظة بالحياة هيك شي فشخة لوراء تردلَّك شي ضاع، شي مرّة علقت بهيدا النص، شي مرة سألت حالك اذا هيدا الإحساس يلي عم بيوجّعك اذا عم يخلص، اذا عم ينقص.. هيدا النص المفصلي بحياتك، ورح يقطع بتعرف ليه؟ لأنو رح يقطع غيرو ورح يرجع يقطع ورح ترجع تعيشو ورح يرجع يقطع وما رح يقطعلك نَفَسَك، هيدا النص المفصلي يلي من بعدو بتعرف اشيا عن حالك وعن الدني ما كنت عارفها قبل، هيدا النص يلي من بعدو منكون قطعنا النص وكرمالو منكتب نص جديد بكلمات أعمق وخبرة أصدق.

إذا كنت اليوم علقان بالنص، بهيدا النص حضِّر قلمك لأنو في شي جديد لازم ينكتب وما بينكتب اذا ما انسكب صح، بتعرفّ! لمّا العنف بيندعس ما بينغلب، لمّا العنب بيندعس بيتخبّى.. تينسكب نبيد.

الـ180 ثانية لليوم خلصوا بس الـ180 درجة هلق بلشوا.. نفس عميق، حِبّ الحياة.. لأنك قدا

لمتابعة لارا على قناتها على يوتيوب الضغط على الرابط

https://www.youtube.com/channel/UC3S_qRJVmseyz_0aKYwsbrQ