خليني ساكتة ٩٥ - الانهيار أقرب!

خليني ساكتة

تم النشر في 10 مايو 2021


يمكن صعبة يحس الواحد بالحرقة اللي عايشين فيها نحن اللبنانيين اذاما قعد مع مجموعة من الشباب والصبايا

هيدي الفئة العمرية مقسومة بين اللي خايفين من الحاضر واللي خايفين من المستقبل

اي مجموعة بتقعد مع بعضها بيجمعها حديث واحد لوين قدموا هجرة او وين بدهم يقدموا هجرة

هيدا الموضوع مش بس اللي عايشين بلبنان كمان بيشمل اللي عايشين بالدول العربية اللي ما بتمنح جنسيات او اقامات دايمة فبيبقىاللبناني خايف اذا تم ترحيله فجأة لان خسر شغله او لان قرر شي زعيم لبناني يرفع اصبعه ويهدد شمال يمين على اساس انه هو ربناالاعلى لوين بده يرجع؟

هو هيدا البلد اللي اعتبرته نائبة رئيس الما خلونا مش شقة مفروشة صار بمثابة زنزانة معنوية

العالم اللي فيها عايشين تحت تهديد مستمر شي برفع الدعم شي برفع الدولار شي بانقطاع تام للكهربا والانترنت

هيدا الحديث مش حكرا على الشباب والصبايا اللي تحت التلاتين او الاربعين لان اللي فوق التلاتين او يمكن الاربعين عايشين بظل كل الليسبق

بالاضافة لسرقة اموالهم من قبل السلطة الحاكمة، خصوصي انه العدد الكبير منهم كان باني حياته بوصل على الستين ويرتاح لقي حالهوصل عالستين وبده يرجع يركض متل ابن العشرين ليأمن لقمة عيشه وكمالة حياة الحد الادنى من دون الحاجة لحدا لما نقول حياة كريمة لانصارت كلمة كريمة luxury ما قادرين نحصل عليها.

رفع الدعم قرب او وصل او بلش بشكل غير معلن، وبلشت معه البيانات المستنكرة والمحذرة والشاجبة بالاضافة للوائح اسعار بين الحقيقةوالشائعات

اللي ما حدا بيعرف مين وراها او اذا هي مدروسة لان بتحس وراها اشخاص دارسين علم نفس بطريقة الترويج الها

للمساعدة على امتصاص الصدمة لان العالم بتصير تفتش على اهون الشرّين الدولار ب ١٢٧٥٠ اي المهم انه نزل عن ال ١٥٠٠٠

اكيد الدولار هلق عم يحضر حاله لعملية تحليق غير مسبوقة مع اقتراب رفع الدعم من قبل جهابذة الاقتصاد وعلى راسهم كبير اللصوصالحاكم بامر الليرة.

المؤامرة عم تكبر عليه وبعد الاتهامات السويسرية لرياض سلامة بإنه مختلس ونصاب وحرامي القضاء الفرنسي عم يتحرك لتوجيه نفسالاتهامات اللي هني تحصيل حاصل بيتقاطعوا مع الاتهامات بلبنان.. بس لا هني فهمانين غلط هو اجا ع هيدا المنصب ب ٢٣ مليون دولاراما ال ٣ مليارات و٧٧ مليون بالقليلة الاضافية اللي حققهم

هول من تعبه وعرق جبينه هو بيزنيس مان شاطر بيعرف كيف يفلس بلد بكامله ويكبِّر ثورته باعداد عصية عالتصديق.

هلق في مجموعات لبنان مجموعة بتقول اقالة رياض سلامة خدمة للمرشد الاعلى المحلي وعون وبالتالي نكاية بالطهارة بدنا نعملها تحتنا

وفي مجموعة بتقول انه اقالته ضرورية بس مش لحاله ضمن كلن يعني كلن

وفي مجموعة اشرس من الاتنين براسين هجوم الحريري وبري بتطالب بضرورة حماية رياض سلامة من اي تهديد بالاقالة

ليه يا ترى؟ ما تفكروا لا سمح الله دافنين الفساد سوا لا لا هني بس حرصين عالمؤسسات

بس السؤال الابرز بيبقى على سذاجته انه هيدا منصب لازم يكون مترفع عن اي شكوك عن اي سوء ادارة عن اي اتهامات

طب شو بعد يتوجه له اتهامات، لهو الحاكم بأمر الليرة يقول يا جماعة انا بحط نفسي بالتصرف لحد انتهاء التحقيقات.. على شو عنده ٤نواب؟

روح اقعود على جنب بس هيك out of curtesy مش شي تاني، يعني قول انا بريء ورح انطر نتيجة التحقيق لحد ما تعتذروا مني وتطلبوااني ارجع.. لا ونحن البلد الوحيد بالعالم انه بيسرق الشخص وبكون متهم بالنصب منخليه معه صلاحيات ليقضي على ما تبقى من المشهدالعام انه بعد في كم مليار احتياط لا والله ما بقل رياض سلامة قبل ما يمحيهم. بس كمان نحن البلد الوحيد بالعالم اللي بترتكب فيه جريمةعصر، وبعد ٩ اشهر ما طلع مخلوق واحد تحمل المسؤولية، او قدر القضاء يستدعي مسؤول واحد من اللي على ايامهم تحضر للكارثة.

على الهامش قال الشيخ سعد بده يعتذر هلق انا كنت عم حاول افهم شو رح يتغير بالمشهد اذا اعتكف او اعتذر او استقال او شكل او حتىرجع ياخد سيلفي انه شو رح يتغير؟؟! وبكرا منرجع على تسمية الرئيس ومين المطروح ميقاتي هو بيجي هيك بالوقت الضايع بين شوطينحكوميين، اصلا مين في افضل منه بهالمرحلة زلمة خلوق متمول ما بحاجة لاي مصاري

شبعان ما ممكن يمد ايده على مال الفقرا او القروض السكنية الخاصة فيهم او يعمل اي صفقات مشبوهة.

وبكرا بلاش بازار الاسماء اللي بيدفع اكتر بلعلا اسمه على المواقع الالكتروني الاخبارية تحديدا تبع الدفاع حق خبرين بيطلع لك خبر ببلاش.

ويبدو بلش الجد بالكواليس حكي عن تأجيل الانتخابات البلدية وهيدا شي اكتر بكتير من طبيعي واقل ما يمكن ان يحصل سألوني لي ليه؟

ليه

آها سألتوني ليه لان ببساطة اذا صارت الانتخابات البلدية هيدا شي بيعني انهم رح يكتشفوا حجمهم الطبيعي، لان الانتخابات البلدية رحتفرجي بشكل عملي وين صارت شعبيتهم كلن يعني كلن ورح تكون اكبر مؤشر على شو ممكن يصير بالانتخابات النيابية، تماما متل ماصار بالدورة الماضية.. بس اصلا نحن شو بدنا بالانتخابات ما سوريا وايران عم ينتخبوا

قبل ما اختم هيدا الاسبوع مش بس شهد ذكرى ٩ اشهر على مجزرة المرفأ، وكمان قطعت ذكرى ٧ ايار اليوم المجيد اللي كشف مخطط حزب العزة والكرامة، واللي كرّس سياسة نفذ ثم اعترض.. ومعادلة كل شي النا النا وكل شي الكم النا والكم

ان شاء الله موت اذا عم كذب بس المرشد الاعلى المحلي ذكر العدو الصهيوني باننا جاهزين لمناوراته المشبوهة، تماما متل ما جاهزين لرفعالدعم ببطاقة السجاد شعار القدس اقرب من اي وقت مضى حلو كتير رنان شاعري اما اذا بدنا نعكسه عالداخل اللبناني فينا نقول الاعاشةاقرب من اي وقت مضى او الانهيار اقرب من اي وقت مضى او حتى الاخرة اقرب من اي وقت مضى.. خليني ساكتة