ناس وناس

شيرين تعتزل السوشيل ميديا!

تم النشر في 16 أكتوبر 2019

شيرين عبد الوهاب تُعلن اعتزالها بسبب حرائق لبنان!


اتّخذت الفنّانة شيرين عبد الوهاب قراراً وصفه جمهورها بالصادم، بعد أن قرّرت الابتعاد عن جميع حساباتها عبر مواقع التواصل الاجتماعي، وذلك على خلفية التعليقات التي تلقّتها بعد نشرها تغريدة تُعلِن فيها عن استعدادها تقديم احتفال في لبنان يعود ريعه للمتضرّرين في الحرائق التي نشبت على نطاق خطير وواسع.

وأعلنت شيرين في مقطع فيديو نشرته عبر حسابها الشخصي على «انستقرام»، اعتزالها السوشيال ميديا بشكل نهائي خلال الفترة المقبلة احتراماً لنفسها ولمتابعيها.

وقالت في رسالة مطوّلة عبر مقطع الفيديو المنشور:

«النهاردة أنا نزلت بوست للبنان، علشان حبيت أساعد بأي حاجة أقدر عليها، واللي أقدر عليه هو صوتي، أنا مش ‏طبيبة ولا مهندسة وده اللي ممكن أساهم بيه، علشان حتى لو ساهمت بفلوس مهما كانت هتكون قليلة، فقرّرت أكون إيجابية وأعمل ‏حاجة أساعد بيها ولما شوفت التعليقات على منشوري الأخير، اكتشفت إن مهما الإنسان عمل، مش هيعجب الناس، ده غير إنهم مرة ‏يحملوني ويسقطوني، ومرة يجوزوني، ومرة يطلعوني معنديش انتماء لبلدي».

واختتمت شيرين: «فبما إن أنا شخص مش مغلوب على أمره، قرّرت أقفل كل حاجة ليها علاقة بالسوشيال ميديا، علشان مأذيش ‏نفسى ولا المتابعين المحترمين اللي هتقرأ التعليقات، أرجو من محبييى ما يزعلوش مني علشان دي حاجة هتريحني وتفرحني».