سيارة حمراء! خود نفس مع لارا (٨)

خود نفس مع لارا

تم النشر في 26 يونيو 2020

بحلقة اليوم من 180 درجة.. سيارة حمرا

مرحبا، انا لارا طوق سليمان 180 ثانية.. بلشنا

ابني هايدن عندو سيارة حمرا صغيرة، ما بيبدلها بلعب الدني، بيركع عالارض بيرجعها لورا وبيقول roll back وبيفلتها وبيقول fly وبتطير السيارة وبيتطلَّع عليها وبيصير يزقفلا، صرلي زمان بتفرج ع وجهه هو وعم يزقف، بس من كم يوم بس، ركزت عالسيارة، roll back وfly والمعنى، المعنى انو مرات الحياة بتردك لورا تتطلقك لقدام بسرعة مخيفة اذا عايش مرحلة اليوم حاسس فيها انك راجع لورا تذكر السيارة الحمرا، وتخيل معي لو السيارة الحمرا بتفرط اعصابها هي وراجعة لورا، ما تقدر تتقبل او تتحمل انو الدني رادتها لورا او انو الموج ماشي بعكسا او انو في إيد اكبر منها لاقطتها كانت ما بتعيش تتختبر قدرتها وسرعتها بالتقدم، اذا حاسس اليوم انو في إيد رادتك لورا تذكر السيارة الحمرا.

الـ180 ثانية لليوم خلصوا بس الـ180 درجة هلق بلشوا.. نفس عميق، حِبّ الحياة.. لانك قدا


لمتابعة لارا على قناتها على يوتيوب الضغط على الرابط

https://www.youtube.com/channel/UC3S_qRJVmseyz_0aKYwsbrQ